रुकुम पश्चिम -१९, असार ।
रुकुम पश्चिमका गायक तथा कलाकार तिलक परियार सङ्गीत तथा नाट्य विधाको प्रादेशिक पुरस्कारबाट सम्मानित हुने भएका छन् । नेपाल सरकार संस्कृति, पर्यटन तथा नागरिक उडयन मन्त्रालयले प्रदान गर्ने चारवटा विधा मध्ये सङ्गीत तथा नाट्य विधाको प्रादेशिक पुरस्कारबाट सम्मानित हुने भएका हुन् ।
सानीभेरी गाउँपालिका वडानम्बर -३, स्थायी घर भई लामो समय देखि काठमाडौँमा रहेर गीत सङ्गीत क्षेत्रमा क्रियाशिल परियार यस वर्षको प्रादेशिक प्रतिभा पुरस्कार, २०८१ बाट सम्मानित हुनेको सूचीमा परेका छन् । उनीसँगै चारवटा विधामा ३२ जना स्रष्टाहरूलाई राष्ट्रिय तथा प्रादेशिक पुरस्कार, २०८१ बाट सम्मान गरिने छ ।
संस्कृति, पर्यटन तथा नागरिक उडयन मन्त्रालयले राष्ट्रिय तथा प्रादेशिक प्रतिभा पुरस्कार कार्यविधि, २०७४ बमोजिम भाषा एवं साहित्य, संस्कृति विधा, सङ्गीत तथा नाट्य विधा र ललितकला विधामा सम्मान गर्दै आइरहेको छ ।
सम्मानित श्रष्टाहरूलाई मन्त्रालयले केही दिनपछि सम्मान तथा पुरस्कार प्रदान गर्नेछ ।
