सुर्खेत -३१, वैशाख ।
अनेमसंघ (समाजवादी) कर्णाली प्रदेश समितिको प्रथम प्रदेश सम्मेलन सुर्खेतको वीरेन्द्रनगरमा आज सुरु भएको छ । श्रमजीवी महिला एकजुट होऔं, राज्यको सम्पूर्ण क्षेत्रमा ५० प्रतिशत महिलाको सहभागिता सुनिश्चित गरौं भन्ने नारा सहित प्रथम प्रदेश सम्मेलन सुरु भएको छ ।
सम्मेलनको उद्घाटन नेकपा एकीकृत समाजवादीका केन्द्रीय सचिव तथा कर्णाली प्रदेश इन्चार्ज चन्द्रबहादुर शाहीले पानसमा बत्ती बालेर उद्घाटन गर्नुभएको छ । संविधानले व्यवस्था गरे अनुरूप नेपाली राजनीतिमा महिला सशक्तिकरण सहित समावेशी र समानुपातिक व्यवस्था सुनिश्चित गर्नका लागि यो सम्मेलन महत्वपूर्ण रहेको बताइएको छ ।
यस सम्मेलनमा अनेमसंघ (समाजवादी) का केन्द्रीय उपाध्यक्ष विजया बिष्टको विशेष आतिथ्यता रहेको छ । त्यस्तै पार्टी केन्द्रीय सदस्यहरु, कर्णाली प्रदेश अध्यक्ष ठगेन्द्र प्रकाश पुरी लगायत विभिन्न नेताको उपस्थिति रहेको बताइएको छ ।
प्रथम प्रदेश सम्मेलनले अनेमसंघ (समाजवादी) कर्णालीको नयाँ नेतृत्व चयन गर्नेछ ।
