रुकुम पश्चिम -५, चैत ।

नेपाल पत्रकार महासंघ जिल्ला शाखा रुकुम (पश्चिम) को सम्पर्क कार्यालयमा आज ताला लगाइएको छ । आफुहरुले राखेका विभिन्न मागको वेवास्ता गरेको भन्दै नेपाल प्रेस युनियन, नेपाल प्रेस चौतारी र समाजबादी प्रेस संगठनले कार्यालयमा ताला लगाएका हुन् ।

गत महिनाको फागुन २५ गते जिल्लामा रहेका पत्रकार र संञ्चार माध्यमको हकहितको लागि विभिन्न माग राख्दै संयुक्त प्रेस विज्ञप्ती निकालिएको थियो । एक हप्ता सम्म पनि मागको सुनुवाई नभएपछि ताला लगाइएको संयुक्त प्रेस विज्ञप्तीमा भनिएको छ ।

‘सदस्यता शुद्धिकरण तथा सिफारिस, नेपाल पत्रकार महासंघ भित्रको आर्थिक पार्दशिता, समानुपातिक विज्ञापन प्रणाली, पत्रकार आंचार संहिता र पत्रकार महासंघ सबैको महासंघ बनाउनको लागि तीन वटै संगठनले गरेको अनुरोधलाई नेपाल पत्रकार महासंघ रुकुम पश्चिमले आनाकानी र वेवास्ता गरेको विज्ञप्तिमा उल्लेख गरिएको छ ।