रुकुम पश्चिम -२८, फागुन ।

नेपाल कम्युनिष्ट पार्टी (एकीकृत समाजवादी) रुकुम पश्चिमको नवौँ जिल्ला अधिवेशन सम्पन्न भएको छ । अधिवेशनले सर्वसम्मत रूपमा मङ्गलबार नयाँ जिल्ला नेतृत्व चयन गरेको हो ।

नवगठित कार्यसमितिको अध्यक्षमा सुरज कुमार परियार चयन भएका छन् । उपाध्यक्षमा शेरबहादुर बोहरा र दीपकराज खड्का तथा सचिवमा धनराज खड्का चयन भएका छन् । त्यस्तै उपसचिवमा अमरराज पुन, हिरा रेउले पुरी र खमबहादुर ओली चयन भएका छन् ।

पदाधिकारी सहित ३७ सदस्यीय निर्वाचित जिल्ला कमिटीको नामावली पत्रकार सम्मेलन गरी आज सार्वजनिक गरिएको हो ।

पार्टीको आगामी कार्यदिशा, संगठन सुदृढीकरण, तथा स्थानीय स्तरमा पार्टीलाई अझ प्रभावकारी बनाउने विषयमा नवगठित समितिले ध्यान केन्द्रित गर्ने बताइएको छ । सोही अनुरूप आगामी कार्यक्रम तय गरिने भएको छ ।