रुकुम पश्चिम -३०, माघ ।
जिल्ला प्रशासन कार्यालय रुकुम पश्चिम दोस्रो त्रैमासिक कार्यसम्पादन मूल्याङ्कनमा सर्वोत्कृष्ट अङ्कसहित दोस्रो भएको छ । गृह मन्त्रालयले आज सार्वजनिक गरेको आर्थिक वर्ष ८१/८२ को दोस्रो त्रैमासिक कार्यसम्पादन मूल्याङ्कनमा देशैभरबाट रुकुम पश्चिम दोस्रो भएको हो ।
कुल प्राप्ताङ्क १९ दशमलव ५ अङ्क सहित रुकुम पश्चिम दोस्रो भएको सहायक प्रमुख जिल्ला अधिकारी बिनोद रेग्मीले बताउनुभयो । गृहमन्त्रालयको कार्यसम्पादन मूल्याङ्कन नतिजामा इलाम पहिलो हुँदा बाजुरा जिल्ला भने ७७औं स्थानमा रहेको छ ।
प्रमुख जिल्ला अधिकारी र मन्त्रालयका गृहसचिव बीच कार्य सम्पादन सम्झौता र सूचकका आधारमा कार्यसम्पादन मूल्याङ्कनको नतिजा सार्वजनिक गर्ने गरिन्छ ।
जसअन्तर्गत कार्यसम्पादन सम्झौताको ६ वटा विषयगत क्षेत्रहरू शान्ति सुरक्षा र अपराध नियन्त्रण, सुशासन र सेवा प्रवाह, लागू औषधि नियन्त्रण, विपद जोखिम न्यूनीकरण तथा व्यवस्थापन, मुआब्जा तथा विकास निर्माणमा समन्वय र आर्थिक प्रशासन रहेका छन् ।
सबै जिल्लाको नतिजा हेर्न तलको लिङ्क क्लिक गर्नुहोस् । आ.व.2081_082_को_CPAS_दोस्रो_त्रैमासिक_नतिजा
