रुकुम पश्चिम -२८, भदौ
Advertisement
रुकुम पश्चिमको सानीभेरी गाउँपालिका वडानम्बर -६, कोकोटगाउँबाट सिम्लीतर्फ जाँदै गरेको बोलेरो जिप दुर्घटनामा परी दुई जनाको मृत्यु भएको छ । आज बिहान डाँगडुङ्गी मोडमा भएको लु १ च ६०२९ नम्वरको जिप दुर्घटनामा परेर घटनास्थलमा दुईजनाको मृत्यु भएको र ९ जना यात्रु घाइते भएका छन् ।
दुर्घटनामा मृत्यु भएकाको पहिचान खुल्न बाँकी छ । गम्भीर घाइतेलाई हेलिकोप्टर मार्फत प्रदेश अस्पताल सुर्खेत लिनका लागि सानीभेरी गाउँपालिकाले जिल्ला प्रशासनलाई पत्राचार गरेको जनाएको छ ।
दुर्घटनाको विस्तृत विवरण आउन बाँकी रहेको छ ।
