रुकुम पश्चिम -२२, वैशाख ।

आइसिसी विश्वकप लिग-२ अन्तर्गत आज भएको खेलमा नेपालले ओमानलाई ८१ रनले पराजित गरेको छ । जितका लागि २ सय ५७ रनको लक्ष्य पाएको ओमान नेपालसँग ३९ ओभर ५ बलमा एकसय ७५ रन बनाउँदै अल आउट हुँदा नेपालले सहज जित दर्ता गरेको हो ।

आजको जितसँगै नेपालले अङ्क तालिकामा दुई अङ्क थप गर्दै लिग चरणमा कुल १८ अङ्क बनाउन सफल भएको छ । यो जितसँगै नेपालले त्रिकोणात्मक सिरिजको पछिल्लो खेलमा ओमानसँगको बदला लिएको छ ।

आजको खेलमा नेपालका लागि आसिफ शेखले ब्याटिङ तर्फ सर्वाधिक ९४ रन बनाए । बलिङतर्फ गुल्सन झाले पाँच विकेट लिए ।

ओमानका विनायक शुक्लाले सर्वाधिक ३६ रन बनाए ।