रुकुम पश्चिम -११, वैशाख ।
Advertisement
रुकुम पश्चिमको मुसिकोटमा आज एघारौं जिल्ला सभा सुरु भएको छ । जिल्ला समन्वय समितिको आयोजनामा कार्यालयको सभा हलमा जिल्ला सभा सुरु भएको हो ।
सभामा प्रतिनिधि सभा सदस्य गोपाल शर्मा अनलले पानसमा बत्ती बालेर तथा ब्यानर वाचन गरेर उद्घाटन गर्नुभएको छ । जिल्ला सभामा जिल्ला समन्वय समितिका प्रमुख तथा सभाका अध्यक्ष लुम्बिनी गौतम केसीले नीति तथा निर्णय प्रस्तुत गर्ने कार्यक्रम रहेको छ ।
नीति तथा निर्णय प्रस्तुतिपछि सभामा प्रस्तुत भएको नीति तथा निर्णयहरूमा सभा अध्यक्ष र सभा सदस्यबिच छलफल तथा अनुमोदन गर्ने कार्यक्रम छ ।
