रुकुम पश्चिम -२५, फागुन ।

आइसीसी टि२० विश्वकप २०२६ को उपाधि भारतले जितेको छ । आइतबार राति भएको फाइनल खेलमा न्युजिल्यान्डलाई ९६ रनले पराजित गर्दै भारतले उपाधि जितेको हो ।

नरेन्द्र मोदी स्टेडियममा टस जितेर पहिला बलिङ रोजेको न्युजिल्यान्डलाई भारतले जितका लागि २ सय ५६ रनको विशाल लक्ष्य दिएको थियो । जवाफी ब्याटिङमा न्युजिल्यान्ड १९ ओभरमा अल आउट हुँदै १ सय ५९ रनमा सिमित भयो ।

यसपटकको उपाधि जितसँगै भारत लगातार दुईपटक टि२० विश्वकपको च्याम्पियन बन्दै इतिहास रच्न सफल भएको छ । यस अघि २०२४ मा पनि भारतले टि२० विश्वकपको उपाधि जितेको थियो ।

गएको माघ २४ गतेदेखि सुरु भएको यसपटकको आइसीसी टि-२० विश्वकप आयोजक राष्ट्र भारत र श्रीलंकामा सम्पन्न भएको छ ।

टि ट्वान्टी विश्वकपमा नेपालसँगै २० वटा राष्ट्र सहभागी भएका थिए । नेपाल भने समूह चरणबाटै बाहिरिएको थियो ।