रुकुम पश्चिम -१०, फागुन ।
रुकुम पश्चिमको आठबिसकोट नगरपालिका वडानम्बर -१४, कि ५५ वर्षीया मैती कामीको उपचारमा आर्थिक समस्या भएको छ । फोक्सो र मुटुमा पानी जमेको तथा पाठेघर सम्बन्धी समस्या भएकाले उपचारमा आर्थिक समस्या भएको हो ।
आर्थिक अवस्था कमजोर भएकाले लामो समयदेखि यी रोगबाट पीडित मैतीको उपचारमा समस्या देखिएको परिवारले बताएको छ । आर्थिक अवस्था हाल दयनीय बन्दा उनको उपचारको लागि सहयोगको अपिल गरिएको छ ।
आर्थिक अभावसँगै सुरक्षित आवास तथा जग्गा जमिन नभएकाले मैतीको परिवारलाई खान बस्नमा समेत समस्या भइरहेको परिवारको भनाइ छ । भएको थोरै जमिन पनि लालपुर्जा सहित बाढी पहिरोले बगाएकोले उनको परिवार अहिले सहाराविहीन अवस्थामा पुगेको छ ।
यस्तो कठिन अवस्थामा मैतीको उपचार र परिवारको जोहोको लागि मनकारी व्यक्तिहरूमा आर्थिक सहयोगको अपिल गरिएको छ । बिरामीको उपचार र परिवारको जीवनयापनका लागि मैतीको परिवारले सबैसँग आर्थिक सहयोगको अपेक्षा गरेको छ ।
बिरामीको हाल बैंक खाता नभएकाले सम्बन्धित नम्बरमा सम्पर्क गरेर आर्थिक सहयोग गर्न सक्नुहुनेछ ।
सहयोग पठाउने विवरण:
सम्पर्क: 9868173910 / 9809464789
