रुकुम पश्चिम -२४, पुस ।

आगामी फागुन २१ गते हुने प्रतिनिधि सभा सदस्यका लागि निर्वाचन प्रहरीको भर्ना आह्वान गरिएको छ । नेपाल प्रहरी प्रधान कार्यालयले एक सूचना जारी गर्दै एक लाख ३३ हजार ९ सय ८० निर्वाचन प्रहरीको भर्ना आह्वान गरेको हो ।

निर्वाचन प्रहरीमा भर्ना हुने इच्छुक नेपाली नागरिकले अब ७७ वटै जिल्लाका जिल्ला प्रहरी कार्यालयमा पुस २५ गते देखि दरखास्त दिन सक्नेछन् । भर्ना अवधि माघ १ गतेसम्म जारी रहने छ ।

निर्वाचन प्रहरीका लागि दरखास्त दिने उमेरहद १८ वर्ष पुरा भई ५४ वर्ष ननाघेको हुनुपर्नेछ ।