रुकुम पश्चिम -३, पुस ।

नेकपा एमालेको एघारौँ महाधिवेशनबाट अध्यक्षमा केपी ओली विजयी भएका छन् । उनले प्रतिस्पर्धी ईश्वर पोखरेललाई फराकिलो मतान्तरले पछि पार्दै अध्यक्ष पदमा विजयी भएका हुन् ।

ओलीले १ हजार ६ सय ६३ मत प्राप्त गरे । यो जितसँगै ओलीले पुनः एमालेको पाँच वर्षीय कार्यकालको नेतृत्व गर्ने छन् । ओलीका प्रतिस्पर्धी पोखरेलले भने ५ सय ६४ मत मात्रै प्राप्त गरे ।

यसैगरी एघारौँ महाधिवेशनबाट महासचिव पदमा पुनः शंकर पोखरेल निर्वाचित भएका छन् । उनले प्रतिस्पर्धी सुरेन्द्र पाण्डेलाई पराजित गर्दै महासचिवमा निर्वाचित भएका छन् । पोखरेलले १ हजार २ सय २८ मत प्राप्त गरे ।

प्रतिस्पर्धी पाण्डेले ९ सय ९९ मत प्राप्त गरे । एमालेको एघारौँ महाधिवेशनमा कुल २ हजार २ सय २७ मत खसेको थियो ।

महाधिवेशनमा केपी शर्मा ओली र ईश्वर पोखरेलको प्यानल निर्वाचनमा होमिएको थियो ।