रुकुम पश्चिम -९, असार ।  

नेपाल प्रज्ञा-प्रतिष्ठानको ६८ औँ वार्षिकोत्सवका उपलक्ष्यमा आयोजना गरिएको राष्ट्रिय कविता महोत्सव २०८२ बाट १० कविता पुरस्कारका लागि छनोट भएका छन् । काठमाडौँमा आज सम्पन्न कविता महोत्सवमा सहभागी २५ कविहरू मध्ये मूल्याङ्कन समितिबाट सिफारिस १० जना कविका कविता पुरस्कारका लागि छनोट भएका हुन् ।

नेपाल प्रज्ञा-प्रतिष्ठानका अनुसार सिराहाका अविनाश भट्टराईको – छुटि जानेहरूको नाममा, मोरङका कर्ण संजयको – पिताजी अहां के छलौ (मैथिली भाषा), मकवानपुरका किशन पौडेलको – पृथ्वीको कन्दन र लमजुङका गोमा श्रेष्ठको – भालेको मौन विद्रोह छनोट भएका छन् ।

त्यस्तै नवलपरासीका चन्द्रमणि चापागाईको – औजार, रुकुम पश्चिमका तुलसी केसीको – तिम्रो गाउँको शून्यता, मकवानपुरका मिरमा (रमा सुबेदीको) अचेल हरेक रात पहाड रुन्छ र सुनसरीका शमूएल कोइराला विश्वकर्माको – नेपाल मेरो घर कविता छनोट भएका छन् ।

त्यसैगरी ललितपुरका सन्ध्या महर्जनको – हिउँ सः ले तनाच्वंगु मौन म्हगस (नेपालभाषा) र चितवनका सिर्जन अविरलको कविता – जीवनको महक सर्वोत्कृष्ट १० भित्र पुरस्कारका लागि छनोट भएको नेपाल प्रज्ञा-प्रतिष्ठानले बताएको छ ।

यसअघि राष्ट्रिय कविता महोत्सवका लागि नेपाल प्रज्ञा-प्रतिष्ठानमा प्राप्त कविता मध्ये २५ जना कविका २५ कविता वाचनका लागि छनोट भएका थिए । जसमध्ये सर्वोत्कृष्ट १० कविका १० कविता पुरस्कारका लागि छनोट भएका हुन् ।