रुकुम पश्चिम -९, असार ।
Advertisement
रुकुम पश्चिममा चट्याङ लागेर आइतबार एक महिलाको मृत्यु भएको छ । चट्याङबाट गम्भीर घाइते भएकी त्रिवेणी गाउँपालिका -१०, बर्नेटीकी ५० वर्षीया गणेशा ओलीको मृत्यु भएको भएको हो ।
जिल्ला प्रहरी कार्यालय रुकुम पश्चिमका प्रहरी निरीक्षक हरी प्रसाद पुनले आइतबार अपराह्न स्थानीयको घरमा रहेको विद्युतको मिटरबक्समा चट्याङ परेको बताए । सोही बेला २५ मिटर टाढा रहेको आफ्नै घरमा रहेकी ओलीलाई चट्याङ लागेको हो ।
चट्याङ लागेर गम्भीर घाइते ओलीलाई उपचारको लागि जिल्ला अस्पताल सल्ले लगिए पनि चिकित्सकले मृत घोषणा गरेका थिए ।
