रुकुम पश्चिम -३, जेठ ।

रुकुम पश्चिमको सानीभेरी गाउँपालिकाका एक व्यक्तिले विपन्न बालबालिका र बिरामीलाई सहयोग गरेर जन्मदिन मनाएका छन् । सानीभेरी गाउँपालिका वडानम्बर -६, छहरा घर भई हाल अमेरिकामा रहनुभएका भीमराज केसीले बालबालिका र बिरामीलाई सहयोग गरेर दिन मनाएका हुन् ।

केसीले गरिबीका कारण पठनपाठनमा समस्या भएका ६ जना विद्यार्थीलाई ५/५ हजार रुपैयाँको शैक्षिक सामग्री र आर्थिक अभावका कारण उपचारमा समस्या भएका दुई जना बिरामीलाई नगद १०/१० हजार गरी जम्मा ५२ हजार सहयोग गरेका छन् ।

उनले छहरास्थित जनता मावि कक्षा १ का छात्र कमल केसी, अमरज्योति आवि सल्लिचौर कक्षा २ की छात्रा दीपकला विक, लक्ष्मी आवि कोटगाउँ कक्षा ४ का छात्र धनसिं पुन, पृथ्वी आवि देउताखोला कक्षा ४ का छात्र धनबहादुर घर्ती, सूर्योदय मावि बेल्टापू कक्षा ५ की छात्र कमल नकाल र राप्ती ज्ञानोदय मावि सिम्ली कक्षा १ की छात्रा रिता खड्कालाई ५/५ हजारका कापी, कलम, झोला, लगायत शैक्षिक सामग्री सहयोग गरेका छन् ।

यसैगरी केसीले कलेजोको समस्या भई उपचार गराइरहेका सानीभेरी -६, का धनबहादुर घर्ती र हृदयघातका कारण उपचाररत सानीभेरी -३, का खडकबहादुर विकलाई जनही १० हजार रुपैयाँ नगद गरेका छन् ।

उनले पत्रकार नारायण ओलीको सहजीकरणमा शनिबार सिम्लीमा उक्त शैक्षिक सामग्री र नगद हस्तान्तरण गरेका हुन् ।