रुकुम पश्चिम -९, वैशाख ।

जिल्ला प्रशासन कार्यालय रुकुम पश्चिमले सार्वजनिक बिदाका दिनमा कार्यालयको सेवा प्रवाह खुल्ला रहने बताएको छ । यस वर्षको वैशाखदेखि चैत महीना सम्मका पर्व र सार्वजनिक बिदाका दिन सार्वजनिक सेवा खुल्ला रहने बताएको हो ।

जिल्ला प्रशासन कार्यालयले आज सार्वजनिक गरेको सूचना अनुसार बिदाको दिन कार्यालयसँग सम्बन्धित नागरिकता, राष्ट्रिय परिचय पत्र तथा राहदानी सेवाहरू उपलब्ध हुने छन् । सहायक प्रमुख जिल्ला अधिकारी विनोद रेग्मीले यस वर्ष १६ वटा सार्वजानिक बिदा परेको बताए ।

नेपाल सरकारको मिति २०८१ फागुन १५ गतेको नेपाल राजपत्रमा प्रकाशित सूचना बमोजिम सार्वजनिक सेवा प्रवाह सम्बन्धी विशेष व्यवस्था बमोजिम नै सेवा प्रवाह खुल्ला रहने छ ।