रुकुम पश्चिम २६, माघ ।

रुकुम पश्चिमको मुसिकोट नगरपालिका -७, साँखमा हरेक बर्ष परम्परागत रुपमा लाग्दै आएको पापिनी मेलाको आय/व्यय सार्वजनिक गरिएको छ । मेला आयोजक हाम्रो सरोकार रुकुम पश्चिमले शुक्रबार मुसिकोटमा पत्रकार सम्मेलन गरी आय/व्यय सार्वजनिक गरेको हो ।

आयोकका अनुसार यो बर्ष १२ लाख ५१ हजार ७ सय ५९ रुपैयाँ आम्दानी भएको छ । आम्दानी मध्ये १० लाख ५२ हजार ९ सय तीस रुपैयाँ खर्च भएको छ । मेलाबाट सबै खर्च कटाएर १ लाख ९८ हजार ८ सय १९ रुपैयाँ फाइदा भएको आयोजकले बताएको छ ।

आम्दानी तर्फ यो बर्ष स्टलबाट २ लाख २४ हजार ५ सय, काठको पिङबाट १६ हजार २ सय, फलामको पिङबाट ६ हजार, विभिन्न खेहरुलबाट १ लाख २४ हजार, खुद्रा पसलबाट ३३ हजार ५ सय ५० रुपैयाँ, क्यामेराबाट २५ सय, देश बिदेशमा रहेका प्रायोजकहरुबाट ५ लाख ५७ हजार ५ सय ९ रुपैयाँ आम्दानी भएको छ । त्यस्तै पुरुष भलिबल दर्ता शुल्कबाट ८० हजार, महिला भलिबल दर्ता शुल्कबाट ७ हजार ५ सय र ७ नम्बर वडा कार्यालय सरकारबाट २ लाख गरी जम्म १२ लाख ५१ हजार ७ सय ५९ रुपैयाँ आम्दानी भएको छ ।

खर्चतर्फ प्रचारप्रसारमा ४९ हजार, बिजुली वाइरिङ ३८ हजार ९ सय ६० रुपैयाँ, भौतिक निर्माणतर्फ १ लाख २२ हजार २ सय ८० रुपैयाँ, प्रमाणपत्र तथ अन्य छपाईमा ५२ हजार १ सय १९ रुपैयाँ, खेलकुद सामग्री खरिदमा १ लाख ४४ हजार ८ सय ८० रुपैयाँ, मेस व्यवस्थापन तथा खाजा नास्तामा १ लाख २७ हजार ७ सय १० रुपैयाँ, सुरक्षा व्यवस्थापन खर्च २६ हजार ३ सय ८० रुपैयाँ र जग्गा व्यवस्थापनका लागि ३१ हजार खर्च भएको छ । त्यस्तै सांस्कृतिक पुरस्कारका लागि १ लाख १० हजार, खेलकुद पुरस्कार १ लाख ८२ हजार २ सय पचास रुपैयाँ, भलिबल रेफ्री खर्च ६३ हजार ५ सय, प्रशिक्षणका लागी ५८ हजार ४ सय ५० रुपैयाँ, स्वास्थ्य सामग्री खरिदका लागी ४२ सय र विविध खर्च ४२ हजार २ सय १ रुपैयाँ गरि जम्मा १० लाख ५२ हजार ९ सय तीस रुपैयाँ खर्च भएको पापिनी मेला आयोजकले बताएको छ ।

मेलामा खर्च भएर बचेको रकम सामाजिक कार्यमा लगाउने हाम्रो सरोकार रुकुम पश्चिमका अध्यक्ष मनोज बिकको भनाई छ । पापिनी मेला फाट्टफुट्ट रुपमा हरेक बर्ष माघ एक गतेबाट शुरु हुने गर्छ । माघ १० गतेबाट विधिवत रुपमा मेलाको औपचारिक उद्घाटन हुन्छ । माघ १५ र १६ गतेलाई मेलाको विशेष दिनका रुपमा मान्दै आइएको छ ।