रुकुम पश्चिम -२२, असोज ।
रुकुम पश्चिमको राष्ट्रिय स्वतन्त्र पार्टीले “हामी आउँदै छौं” अभियान सुरु गर्ने भएको छ । पार्टी केन्द्रको सर्कुलर अनुसार असोज २० देखि २७ गते सम्म सञ्चालन हुने अभियान सुरु गर्न लागेको हो ।
रास्वपा रुकुम पश्चिमले आज मुसिकोटमा पत्रकार सम्मेलन गर्दै शुक्रबार देखि हामी आउँदै छौं” अभियान सुरु गर्ने बताएको छ । अभियान आठविसकोट नगरपालिका देखि सुरु गरिने भएको छ ।
पार्टीको संगठन सुदृढीकरण र जनतासँगको सम्बन्धलाई मजबुत बनाउने उदेश्यले उक्त अभियान सुरु गरिने छ । अभियानले पार्टी र सरकारका काम कारबाहीलाई जनता समक्ष लिने र जनताले दिएका सुझाव संकलन गरी सरकार सम्म पुर्याउने रास्वपाको भनाइ छ ।
मुसिकोटमा आयोजित पत्रकार सम्मेलनमा बोल्दै पार्टी केन्द्रीय सदस्य मेनुका शाहीले सरकार गठनपछि थुप्रै काम भएको बताएकी छन् । हेलो सरकार देखि घर घरमा राहदानी पुर्याउने काममा सरकार सफल भएको उनको दाबी छ ।
