रुकुम पश्चिम २, माघ ।

अभिनेता प्रदीप खड्का पहिलो पटक पूर्ण रुपमा एक्सन भूमिकामा देखिएका छन । सोमबार सार्वजनिक गरिएको चलचित्र ‘पिताम्बर’ को टिजर उनलाई पूर्ण एक्सन भुमिकामा देखाइएको छ । प्रदिपलाई एक्सन अवतारमा दर्शकले पनि रुचाएका छन् ।

प्रदीपलाई पछिल्लो पुस्ताको भर्सटायल अभिनेता पनि भनेका छन्  । उनको भ्वाइस र एक्सनको तारिफ पनि धेरैले गरेका छन् । दयाहाङ राई र सौगात मल्ल सहित प्रदिपलाई पहिलो पटक एकसाथ देख्न पाएकोमा दर्शकले सकारात्मक प्रतिक्रिया व्यक्त गरेका छन । समग्रमा टिजरलाई प्राप्त प्रतिक्रिया उत्साहजनक छ ।

यता निर्देशक कृषा चौलागाईंले टिजरलाई प्राप्त भ्यूज र प्रतिक्रियाप्रति खुसी व्यक्त गरेकी छन् । टिजरले दर्शकमा बढाएको अपेक्षालाई फिल्मले पूरा गर्ने उनको दाबी छ ।युट्युबमा टिजरले २४ घण्टामै १० लाख भ्यूज पाएको थियो भने समाचार तयार बनाउदासम्म १५ लाख बढीले हेरिसकेका छन् ।

ठूलो क्यानभासमा तयार भएको फिल्ममा दयाहाङ, सौगात र प्रदीपसँगै प्रमोद अग्रहरी, अनुपविक्रम शाही, सुरक्षा पन्त, दिव्यदेव, दिव्या रायमाझी, सुपुष्पा भट्ट, गौरी मल्ल, रविन्द्र झा, कामेश्वर चौरसिया लगायतको अभिनय छ । कलाकारको बलियो ‘लाइनअप’ भएकाले फिल्मले आक्रामक व्यापार गर्ने प्रक्षेपण गरिएको छ ।

कृषा चौलागाईंको निर्देशनमा तयार भएको फिल्ममा विशाल चौलागाईं निर्माता रहेका छन भने प्रदीप भारद्वाज र अभिमन्यू निरवीको पटकथा तथा संवाद छ । फिल्मलाई पुरुषोत्तम प्रधानले खिचेका हुन् । फिल्म चैत २९ गतेबाट प्रदर्शनमा आउँदैछ ।

टिजर हेर्न तल क्लिक गर्नुहोला ।