रुकुम पश्चिम -१८, असोज ।
रुकुम पश्चिममा नेपाली कांग्रेस (चुनदेवी) १५ औं महाधिवेशनको लागि कार्यालय स्थापना गरिएको छ । आईतबार सदरमुकाम खंलगामा नेपाली काँग्रेसको १५ औं महाधिवेशनका लागि कार्यालय स्थापना गरिएको हो ।
रुकुम पश्चिममा कार्यालय स्थापना भएसंगै आफ्ना गतिविधि सञ्चालन गर्ने नेपाली कांग्रेस १५ औं महाधिवेशनका केन्द्रीय प्रतिनिधि यामबहादुर केसीले जानकारी दिए । उनले पार्टी कार्यालय स्थापनासँगै नेपाली कांग्रेसको १५ औं महाधिवेशनका गतिविधिहरू सञ्चालन भईरहेको जनाए ।
उनका अनुसार असोज १५ गतेदेखि वडा अधिवेशन, असोज २० गतेसम्म पालिका अधिवेशन र असोज २३ गते प्रदेश सभा क्षेत्रीय अधिवेशन हुनेछ । कात्तिक १५ गते जिल्ला अधिवेशन हुने कार्यतालिका रहेको छ । त्यस्तै ७ वटा प्रदेशमा मंसिर ४ गते र मङ्सिर २१, २२ र २३ गते केन्द्रीय अधिवेशन हुने जनाएको छ ।
नेपाली कांग्रेस (चुनदेवी) को १५ औं महाधिवेशनको लागि केन्द्रीय प्रतिनिधि यामबहादुर केसी केन्द्रीय सह-प्रतिनिधिमा नन्दबहादुर बिष्ट र जिल्ला संयोजकका रुपमा यज्ञबहादुर बिष्ट रहेका छन् ।
विशेष महाधिवेशनबाट आएको गगन थापा नेतृत्वको काँग्रेसले आजबाट काठमाडौँमा १५ औँ नियमित महाधिवेशन सुरु गरेको छ । तर विशेष महाधिवेशनलाई अवैधानिक भन्दै पूर्व सभापति शेरबहादुर देउवा समूहले भने छुट्टै महाधिवेशनको तयारी सुरु गरेको छ ।
